賣

早前搬屋，執返好多舊書出黎，惱自己太多野，決意賣書，反應較預期好，不過賣出的只係一少部份，結果要租迷你倉。搬到新屋已有三個月，仲有好多箱未清，太懶太慢。見到一大堆中學時買落的漫畫，大部份保存得好好，有D打算賣左去，尋日就攞左1-21期頭文字D去賣，缺第18期，個老細收起之後就塞廿蚊畀我，我有D錯愕，原先諗住點都值50蚊掛，點知得20蚊，不過都好過無，因為佢唔收我都會掉晒佢。 我而家只係好奇佢會以幾錢賣出去。

另外我賣左4隻xbox360 games同12隻ps2 games畀舖頭，收返550蚊，當中包括有Last Remnant, Lost Odyssey, Lord of the Ring, 真三國無雙3， 真三國無雙4+猛將傳，戰國無雙1+2，戰國basara 1+2。拿去拍賣可會賣得多D錢，但會煩好多。

新Game 續

雖然我上一篇講到隻桃鐵咁差，但我之後用原祖NDS玩反而OK，仲玩左兩次50年。我鍾意佢連續到達終點會累加獎金，收集八德靈玉及歷史人物加勢亦有趣，但我始終見唔到第20位仁兄。

Winning 2009畀我的感覺似Winning 9，又係成日會中柱中楣，但唔知點解轉人成日都轉唔o岩，防守時較吃力。有資深「波友」話FIFA 09比Winning 2009好玩，仍未有機會一試，有錢都會先買Star Ocean 4。

高達無雙Mission Mode要花好多好多時間，仍在為「絆之力」(交40個親密戰友)奮鬥。已殺了十萬敵機，花了60多小時。