新Game

近期買左唔少新Game，機戰Z、高達無雙2、The Last Remnant、Winning 09、Gear of War 2、Animial Crossing Wii，本來仲想買NDS隻桃鐵20週年，但要成380大圓，買唔落手。返到屋企就Download黎玩下，發現唔值得買，無論音效、畫面、過場等等都同我玩開的Xbox桃鐵Gold一樣，只係所有效果都差左一截。玩左兩三年，唔慣對住個咁細的畫面玩桃鐵，對眼有D攰，加上畫質好差，真係無心機玩落去，我希望遲D出返個Xbox版。其實隻桃鐵16北海道大移動最初出PS2，之後出Wii，及後改善畫質，再出Xbox，叫桃戰Gold，內容無大改變，出3隻諗落都幾呃錢，如今隻20週年畀我的感覺係將Xbox版加多幾個駅同卡之後移植去NDS，誠意不足。今集唯一的賣點係可以上網同人對戰，歷代都做唔到。

2008年書展

我無去，七月頭已經打算今年缺席，到書展期間亦無衝動要去。印象中第一次去書展係中三，當年書展跟漫畫節不分，我相信超過一半的入場者，包括我都是為了漫畫而來。尤記得翌年，大家為了爭入場而迫爆會展的玻璃(見書展概況)；當時我不在場，因為我無咁早去到。當年會展沒有新翼，書展場館亦只有兩三個，入場後仍要在個別攤位排隊才能買到一些書展限定商品，動輒排到出場外，排上一小時。除了買漫畫之外，我主要睇文具，當時會見到一些巿面少見的文具，價錢亦比外邊平。此後，幾位同學每年都相約去書展。中五畢業後各散東西，我仍每年去書展，但不再是同一班朋友。近幾年，發覺書展不及以前吸引，場館中的書藉跟書店無異，種類甚至更少；連文具亦不再有驚喜，唯一的收獲是得到作者簽名。

缺席之下，聞今年入場人次再創新高，達83萬。(見7月30日港聞)

喜好

我來來去去得幾樣喜好，用錢最多的地方除了一般飲飲食食外，就是買書、CD及相機，它們會交叉支配的我的生活，例如最近又不斷睇相機，買書的癮仍偶爾發作，但CD真係好耐無買，事實上亦無咩新碟吸引我買，另外早前花過不少錢買紅酒，現在開始節制，平時都盡量少入酒舖。講番相機，最近上網睇左唔少，有幾部比較吸引我，有些不是相機本身而是拍攝的方式。

1. Kodak Medalist

image from this site: http://herlent.daniel.free.fr/mf_rf/index.html

Link 1

Link 2

Link 3 (日文）

2. Stereo Camera (Realist, Kodak, & RBT S1!!!)

image from this site: http://www.3d-cams.net/

Link 1

Link 2

Link 3

Link 4

睇RBT個網頁，見到有用NIKON P5100做的立體相機組合，賣1,500歐羅，另外有用新的Zeiss Ikon做藍本的S3，賣4,000歐羅!!!

3. Kiev rangefinder camera, a copy of Zeiss Ikon Contax.

images from these sites: (upper, original Contax IIa) www.ritzcam.com; (lower, Kiev 4a) from the Link 3 below.

Link 1 (a very interesting story by Peter Hennig about the Kiev rangefinders)

Link 2

Link 3

4. Zeroimage Pinhole 612B

image from: http://www.chriskeeney.com/photography/pages/Zero_Image612B.html

Link 1

5. Polaroid transfer

image from the Link 2 below

Link 1

Link 2

Link 3

P.S. 我剛睇到一個講庭園的節目，介紹Charles Jencks，佢個私人花園真係好正。

工具書

底下兩本係我幾乎日日用的工具書，而最頂o個本係最近買，荃灣三聯半價，賣二百幾(原價四百幾)，因為出左新版(第17版)而我呢本係舊版，呢本字典每項只有讀音(國際音標)而無解釋，但佢收錄左不少常用但非英語的字，例如chateau，又或者係地方名都有，例如Zimbabwe。隨書送電子版(CD-ROM)。

最底的朗文當代英語辭典又有送CD-ROM，而且係兩隻，重要係可以裝落Mac OS X，之前的版本都唔得，可惜佢個電子辭典造得唔好，load得頗慢下，而且裝落OS X唔可以full install，要讀音一定要入碟。我好鍾意呢本字典，好實用，條目清晰兼有用法解釋同例句。學英文的話我一定推薦呢本再加上Collin Cobuild。牛津的高階英漢字典我覺得麻麻地，不太著重每個字的用法，只著重字義，而且我鍾意英漢並列的字典，好亂，而且D中文似是而非，反而梁實秋主編的遠東英漢辭典的中文好好多。不過，牛津本New Oxford Dictionary of English (ODE)值得推薦，收錄好多字，最新版應是2nd revised edition，但不要同Oxford English Dictionary(OED)混淆，係兩本完全唔同的字典。

其他有用的工具書還有

1. 陸谷孫的《英漢大辭典》，出到第二版，但譯文偶有錯漏，古德明曾在其專欄指出。

2. 商務的《現代漢語詞典》及電子版，電子版最衰又係要入碟先用到，而且一定要正版，我整個image都用唔到。

3. Shirley Taylor Model Business Letters, E-mails & Other Business Documents, sixth edition.

4. 《英語搭配大詞典》，江蘇教育出版社，又係出到第2版，比第1版厚好多，但亦貴好多...

5. 金山詞霸(電子版)其實都唔錯，幾十蚊，幾抵用，雖然解釋唔詳細但夠快。

金屬、玻璃、皮革

我一直都不太喜歡塑膠，我相信不少人都有同感，否則「咁膠」、「太膠」(不是指諧音「鳩」)不會是一個貶詞。金屬實在、實淨，我細個時大部份人遇到塑膠製品的第一個反應通常係懷疑，「得唔得o家」，「會唔會一亨就爛」；但塑膠製品進步不少，塑膠本身亦分好多種，現時的膠產品已不似以前咁「膠」，至少唔係脆，唔會「一亨就爛」。如果你用過奶樽就知，我唔信有人可以徒手「亨」爛一個奶樽，而且受熱，落滾水都唔怕。以功能論，塑膠的應用比金屬更廣泛，甚至更優勝。

但我偏愛金屬，我喜歡金屬的質感、份量(重量)。同樣地，我偏好玻璃及皮革，這方面我相當"old-school"。三者都有一種原始、樸實的味道，而與玻璃相近的水晶雖更矜貴，但我並無好感。我不知自己這種傾向源何而來，但我每次見到精緻的玻璃(主要係酒杯、水樽)都想摸一下、敲一下；見到皮革會忍不住撫摸及嗅一下；見到戰後的機械相機則想把玩、擁有......造成我無窮無盡的慾望。

其實相機正正集金屬、玻璃及皮革於一身。機身是金屬、鏡頭是玻璃、機套及機身外皮是皮革。可能因此我對五六十年代的古董相機總是愛不擇手。

P.S. 我印象中塑膠於生活上的廣泛應用始如於70年代，不知有無錯。

又半年

無寫，可能因為太多GAME玩，買左XBOX 360，打真三五，打桃太郎電鐵，偶然打下Wii，時間真係唔夠用，點會諗到寫Blog。呢半年除了打機外，主要係買左個沖Espresso 的Moka壺，而且用左唔夠兩個月就畀我煲爛左，之後再買多一個。兩個都係Bialetti，第一個係傳統鋁造的經典款，第二個係Stainless Steel，用落其實無分別，但個人鍾意經典款多Ｄ，同埋一個人飲而用一個可沖四人份量的壺不易控制，亦要用多點咖啡粉。如果再買的話買個沖一人分量的鋁壺就夠。因為飲Espresso而試Illy，發覺用來沖Espresso真係不錯，但用滴漏方法沖就唔夠Cafédirect好。之外亦買左個French Press壺，主要用黎沖茶，無試過沖咖啡。

另外呢幾個月最大的改變係開始學飲紅酒，一切都係因為《神之水滴》呢套漫畫同埋一位好鍾意飲紅酒的朋友，呢幾個月飲過的紅酒我估無六十枝都有四十枝，用黎買酒的錢數以千計。點解唔寫關於紅酒的Entry?因為網絡上已經有好多，而且我只係識皮毛，亦唔識用言語表達，所以索性唔寫。我現時知道有寫萄萄酒的Blog有，

http://mypaper.pchome.com.tw/news/wineclub/
http://www.cuhkacs.org/~alfred/wordpress/
http://about-wine.blogspot.com/
http://hk.myblog.yahoo.com/deetsang

英文的更不計其數。

諗諗下我份糧好大部份都用左O係飲食同打機之上。黎緊PS3又話出機戰，我連OG都未買...仲有Xbox 的GTA IV同
美版Wii Fit...