孔少林

今日行書店，見到《原是物語》II，而且出到第二版，以為孔少林「返生」，點知係新曲加精選，無錯，係新曲加精選，(我估)即係當中好多文章已見於「原祖」《原是物語》，加上幾篇(?)新文章... 雖然孔少林在序文中表示《原是物語》II之後不會再有著作，即使被騙買了亦只此一次，但我根本不想受騙。可恨好奇心作祟，我而家又好想知兩本原是物語有幾多篇重覆...
為左搵張《原是物語》II封面的圖上「上書局」的網頁，有意外發現。原來佢地唔止介紹自己出版的書，而且有一欄「好書推介」介紹中、英圖書，每本推介書都有簡介/簡評，不過我唔知邊個負責呢欄，定或好似天地圖書咁由讀者寫。

後記：下載張封面圖時發現張圖叫"Choibook2.jpg"，加上之前上書局網頁內孔少林的畫像似足蔡東豪(見舊文)，種種跡象都表示孔少林就係蔡東豪，至少孔少林脫不了蔡東豪的份。

Master Keaton

《危險調查員》動畫終於出DVD，以前我只有零散幾隻VCD，而家買一套盜版DVD仲平過我六、七年前買的兩隻VCD。我唔知台灣正版幾錢，因為無見過，其實呢套盜版我在香港暫時都無見過，係我星期曰O係深圳買。由於係抄正版DVD，所以品質唔差，一套有10隻碟，共39話，我暫時只係睇左第一隻碟。其實《危險調查員》的漫畫都唔易搵，斷巿良久，只因早前台灣電視播動畫先有新一批，約半年前見過有一整套18冊賣，但唔捨得買，又無位放，兼且我已經有「電子版」…… 但而家再唔見有一套賣。