Hong Kong Books Fair

尋日行書展，一如往年咁多人，展館亦都無咩特別。今年最想睇的是上書局（http://www.uppublications.biz/），有孔少林的原是物語同方卓如的國金外望結集賣，去到發現佢地原來無自己的攤位，而係擺係「香港亞洲精品服務有限公司」的攤位內，埋到去就見到蔡子強、劉鈿良同埋蔡東豪，仲見到蔡東豪O係度簽名，即時就買本原是物語畀佢簽，如果佢唔係作者又點會簽名呢，連上書局網頁內o個張作者圖像都似足蔡東豪，仲有錯？

但睇Wikipedia內蔡東豪一項(link)，話蔡東豪o係《號外》今年4月的專訪中指孔少林係「一伙他發掘的新作者」，另外林太駱友梅在書中序言亦有「撥電話給孔少林的其中一員...」一語，令孔少林的身份保持神秘。我認為孔少林是否就是蔡東豪並不重要，最重要係佢繼續寫單身大長今。

今年只係買左四本書，除左原是物語之外、仲買左李天命的《殺悶思維》、Edward W. Said的Orientalism同埋漁農自然護理署出的《香港行山通》第二冊。李生本《殺悶思維》標價$73，會場內有八折，用恆生信用卡再有八八折，折實$51.4。而本Orientalism同《香港行山通》就分別係$136同$110八折。