Consumption

沈寂了一段日子，最近又回復買書的興頭，事緣十月開始三聯、商務相繼減價，先於三聯買了約四百元的書，後在尖沙咀商務買了六百多元的圖書及文具，誰不知一星期後又在沙田商務奉上四百多元。十月底在海港城遊蕩，遇見辰衝搬遷大減價，八折，逛了一個小時後帶走了幾本書。十一月，三聯、商務減價結束，但經過旺角商務有「裝修大減價」，遇見剛出版的《龍應台的香港筆記－－@沙灣徑25號》，沒有買，旁邊放著劉以鬯編的《香港短編小說百年精華》，分上下冊，我只買了上冊，但在付款處旁見到Oxford Collocations Dictionary for Students of English，這本字典很少見，一直想買，見到打折後不用二百塊，就一併買下，如此又花去二百多。早兩天閒逛三聯，重遇《香港短編小說百年精華》，而且有八折，比商務的八五折更優惠，帶點氣憤之下狠下心把下冊買回來...如此這般買下了一堆心知不會看亦無甚地方放的書。
即使是每年的書展，這幾屆裡我買書也不多，主要集中買英文書，因為書展擺放的大多是大路的中文書，很少會買，而且也只是七折或八折，跟各大書店春秋兩季減價相若；相反英文書店很少減價，在書展中給八折變得特別吸引。



偶然想起弗洛姆(Erich Fromm)的To Have or To Be?，亦無法平息我的物欲，我想，"To Have"可以通過閱讀、整理、消化而成"To Be"，書籍可是精神食糧啊，畢竟我買最多的還是CD與書。

P.S. To Have or To Be?的中譯本叫《生命的展現：人類生存情態的分析》，孟祥森譯。亦有人譯作《擁有或存有》，後者較貼近原書名，但一個沒有接觸過西方文化的中國人是不會明白「存有」一詞的意思，銀行存款就知；前者的譯名完全脫離原書名，意思亦不顯，令我想起Ortega y Gasset 的The Origin of Philosophy被譯為《我而非我的哲學》，可謂不倫不類。

Apple's support II

我９月４號發電郵畀Apple話要換電池，佢９月７號就覆話有得攞，真係好快。我星期六下晝上去，好少人，我記得大約一年前上去換個ipod headphone remote都等成粒鐘，今次只係等左10分鐘左右。拿左新電順便放低部機畀佢check，一個多星期後攞番，佢幫我換左底板，之前買的Apple care終於抵番，我問佢可唔可以幫我換harddisk，佢話apple 原裝80G, 5400rpm要成三千幾，咁如果我拿個harddisk上來呢？佢話保養期內唔會做，我再追問，佢話過左保養期會做，收番600大元人工費。iBook G4好似係歷代apple laptop最難換harddisk的一部，如果畀600唔駛自己搞一輪都唔算貴。Apple telephone support雖然不濟，但整機應該無大問題。最煩係佢好多時都無零件，要從新加坡訂，上次係換個ipod headphone remote都等左兩個星期。

Apple's support

當發現無敵鼠唔可以打橫Scroll之後就打去Apple Support問，我知道用10.3.9唔可以用盡隻鼠，但我睇Apple 網頁上寫有線無敵鼠在10.3.9上可以垂直以及水平捲動(http://docs.info.apple.com/article.html?artnum=302063)，咁我就覺得無線都應該得，而家做唔到水平捲動得兩個可能，一係我手上隻鼠係次貨，一係10.3.9真係做唔到水平捲。
打去熱線等左好耐先有人聽，聽完一次我個問題就轉畀第二個聽，我又要再講多次，佢了解左之後就叫我等，hold住條線搵資料，但D答案不盡不實，我質疑佢之後又再hold我條線，來來回回兩三次，最後佢話要試，但手上只有10.4，無10.3.9去試隻無線無敵鼠，收線前講左個CASE No. 我聽，話研究下後再覆我。
第二日佢覆我時我唔方便聽，之後我打去熱線講個Case No.之後又再等，今次係第二個人聽，佢睇完電腦紀錄都唔明我個Case...又要我再講一次，之後佢就答我話我用的OS做唔到水平捲軸，咁我話跟無敵鼠本Menu有寫話有Scrolling o咼，雖然無寫清楚係咪兩種Scrolling都有，但有線的做到咁我期望無線都一樣做到。其實我個問題好易解決，搵部10.3.9的機一試就知，得就得，唔得就唔得，咁我問佢係咪已經試過，佢竟然話無...我頂你，你話研究研究就只係紙上談兵，搵部機裝個OS有幾難，之後佢又留另一個CASE No. 叫我過兩日打上去，我無打，我為左呢件事已經浪費左一個鐘，最後我的起心肝，去買個External Harddisk，自己搵隻Tiger來裝，裝好再試都只係用左一個鐘左右，結論係...我隻無線無敵鼠無壞，o係Tiger度真係可以水平捲。最後都係要靠自己做實驗。

P.S. 我當然唔只係為左試無敵鼠先買HDD，我一直想買來Backup機內D資料，另外又想skip左個內置HDD，因為內置得4200rpm真係太慢，用過Firewire HDD真係快好多，感覺爽好多。過左保養後真係要諗下換左個內置HDD。

Wireless Mighty Mouse

今日臨收工收到隻無線Mighty Mouse，好開心，我上星期知道有得賣就第一時間訂。有乜特別？咁要由原祖Mighty Mouse講起，Mighty Mouse係Apple第一隻有兩個Buttons的滑鼠，即使OS X一直可以用right click，但Apple一直都只係有單鍵鼠(Apple Pro Mouse)，直至到上年八月先出Mighty Mouse，Mighty Mouse的其中一個賣點，亦係佢最與別不同之處就係Scroll Ball，一般Scroll Mouse只可以上下捲動頁面，又或者加多一個Scroll來控制左右，但Scroll Ball可以360度轉，同一個波可以控制上下左右，甚至左上右下打斜捲動，不過有唔少人投訴個波太易入塵，用得耐就要清理。
當年我都有諗過買，但佢要OS 10.4.2以上先可以用到所有功能，而我仲用緊10.3.9，以一隻普通雙鍵鼠黎講，佢唔係特別吸引。不過，佢今次出Bluetooth版，而且upgrade左，用Laser 做Tracking，而有線Mighty Mouse只係普通Optical，

我部Ibook內置有藍芽，我一直想買番隻藍芽鼠，但香港有得賣的都唔吸引，又要連埋個藍芽收發器，所以一直無買。其實我買呢隻Mighty Mouse前已經訂左隻Logitech V270，奈何隻Mighty Mouse太靚仔，折左後都只係四百幾，唯有速速科水。
呢隻Mighty Mouse仲有個神奇之處，就係佢可以用一粒或都係兩粒AA電，單用一粒電都用到，好處係可以輕Ｄ，另外最重要係可以用入一粒或兩粒電來調節重量，滑鼠太輕唔好用，但未必個個都鍾意重，我自己就鍾意兩粒電的重量。

P.S. 興奮得太早，剛發現我手中隻無敵鼠唔可以水平咁Scroll，要搵日連埋部NOTEBOOK 去整先得。

Hong Kong Books Fair

尋日行書展，一如往年咁多人，展館亦都無咩特別。今年最想睇的是上書局（http://www.uppublications.biz/），有孔少林的原是物語同方卓如的國金外望結集賣，去到發現佢地原來無自己的攤位，而係擺係「香港亞洲精品服務有限公司」的攤位內，埋到去就見到蔡子強、劉鈿良同埋蔡東豪，仲見到蔡東豪O係度簽名，即時就買本原是物語畀佢簽，如果佢唔係作者又點會簽名呢，連上書局網頁內o個張作者圖像都似足蔡東豪，仲有錯？

但睇Wikipedia內蔡東豪一項(link)，話蔡東豪o係《號外》今年4月的專訪中指孔少林係「一伙他發掘的新作者」，另外林太駱友梅在書中序言亦有「撥電話給孔少林的其中一員...」一語，令孔少林的身份保持神秘。我認為孔少林是否就是蔡東豪並不重要，最重要係佢繼續寫單身大長今。

今年只係買左四本書，除左原是物語之外、仲買左李天命的《殺悶思維》、Edward W. Said的Orientalism同埋漁農自然護理署出的《香港行山通》第二冊。李生本《殺悶思維》標價$73，會場內有八折，用恆生信用卡再有八八折，折實$51.4。而本Orientalism同《香港行山通》就分別係$136同$110八折。

MediuM and MillenniuM

Just finish watching the first season of MediuM, a TV series from CBS aired in 2005. It is about Allison DuBois, a mother of three having a psychic power to communicate with the dead, mostly in her dream. I think it is a good show and it have some insights or views on human conditions but I haven't put much reflection on it so I couldn't tell you more.

As the title suggested, I find some resemblance between Medium and Millennium, a TV show from the Fox network aired from 1996 to 1999 (3 seasons). In the opening theme of Medium, I noticed that the two "M" in the word "MEDIUM" are little bit bigger. While in Millennium, both "M" are in capital letter and the rest are not, it signify the second millennium we are having as indicated by Chris Carter, the producer of the show. I don't know whether the title "MediuM" signify something but it is what make me start comparing these two shows.

1. Bird Chirping v.s. thunderclap
I watch both dramas with closed caption. The most frequent background sound effect is [bird chirping] in Medium and [thunderclap] in Millennium. Thunderclap in Millennium is understandable, Chris Carter wants to make a TV series to have the mood of "Seven" the motion picture, but bird chirping? Every episode of Medium starts with a (bad) dream of Allison DuBois, most of the time she wake up in the middle of the night, but when she wake up again in the morning, there is bird chriping, not always but often enough to be noticed. Bird chriping in the morning usually signify a good day, it makes a great contrast with the bad dream Allison DuBois has have the night before. She has a wondeful family with three beautiful kids and a loving husband, in contrast, she has bad dreams almost every night, it just comes to her and she can do nothing about it. She suffers from her dreams.

(I hope I can finish it someday... May 15 2007)

The Fact

只差一日，今日去旺角信和，竟然見到尋日買的DVD只係賣195蚊!!! 原來Hong Kong Records無標錯價錢，賣259已經比人貴。問番相熟的CD舖老細，原來話JVC HK要執笠，六月時清貨，所以有一批平碟流出街... 再諗下，而家我用259蚊的代價去買呢套碟即係表示我認為值得呢個價錢，否則我可以唔買，今日見到195只係代表我可以出少D錢，但唔代表套碟(對我的價值)降低到只值195，剛剛相反，我買的時候正正就係認為呢套碟唔止值259，但可以259的代價去買，所以先覺得好抵。

Sony α100

Sony α100 from Sony website

去海港城當然要去Sony陳列室，見有得玩部α100，拿上手好輕，好膠，無咩質感，按下快門無咩快門聲，反而反光鏡聲最明顯，同埋彷彿感到塊反光鏡震，睇下機底，係馬來西亞做，其他無點詳細試，個VIEWFINDER算係咁，以入門機來講唔算細，感覺上大過Olympus E-500。可能真係用慣D1X，上次拿人地部350D都係覺得好膠，印象中D70s的手感比α100同350D都好，OM E-500都唔差，曾有人講笑咁話我用慣D1X的話下次只會接受到D3X，對入門機會睇唔上眼/手，唔... 而家諗番都覺有Ｄ道理，但我未拿過D200上手，可能我接受到所謂半專業機。
買D1X之前有考慮過買部Olympus E-1，而家都仍然想擁有，但事實上我無需要多一部DSLR，有錢買多枝鏡頭好過，似乎我有一種camera lust...，E-1係香港好難搵，Ebay 就大把，仲好平...

Olympus E-1 with HLD-2 from Volker Gilbert Photographie

Auction and Bargain

最近經常睇拍賣網，主要睇相機同鏡頭，希望搵到「筍」O野，其實平時都成日去HMV睇下佢有無D 標錯價錢的CD/DVD，是一場尋寶遊戲。今日O係海港城Hong Kong Record就搵到件寶物，日本組合Southern All Stars 2003年的Summer Live演唱會DVD正價係一萬日圓，兌返港幣大約係660-700蚊，但你留心睇下呢張相...


Hong Kong Records竟然賣259!!!真係賣大包，我第一個反應係佢貼錯價錢(HMV HK網站同一隻碟的標價係HK$1,155)，但無理由去叫人CHECK之後改番個正價，因為如果係正價的話我一定唔會買，但以259蚊買一盒四隻日本版的DVD就真係好抵，我唔係SAS的粉絲/扇子(Fans)，但我鍾意佢地某幾首歌，同埋我主要係以執到寶的心態去買，我一貫的做法係博大霧，直接去畀錢，如果佢話個價錢唔O岩就唔買，否則就袋袋平安，結果順利完成。

而家諗番，我其實唔係真係想要套DVD，可有可無，雖則我唔係以原價去買，但都係付出左二百幾蚊，如果我唔買的話，呢二百幾蚊都可以慳番。見到平野/特別野就有想買的衝動，唔知算唔算一種病態？定或係資本主義社會公民的美德。

最近在DCHOME見到有個買家好勞氣，有人放Contax T3 70週年特別版，講好以4300賣畀呢位版友，但在交易前通知買家話賣左畀另一位朋友，搞到個買家好勞氣，係咁鬧賣家無信用etc. 首先我唔知以法律的觀點點睇呢件事，但我自己就覺得個賣家咁做無可厚非，當你同佢溝通時，4300可能真係最高出價，但過多兩日有人出4500咁點？賣家係咪有(道德)責任賣畀出4300 位買家？一日未交收，我覺得都可以變卦，買家可以話唔買，賣家可以話唔賣，就算出來見面交易，都可以臨時話唔買/賣。

我認為呢D情況無道德可言，又或者咁講，身為買家，你一箱情願以為就算有人出更高價，個賣家都會照賣畀你的話就係戇居。

二手買賣最怕係名不符實，又或者約左人又無故失蹤。

Winning Eleven 10

今日行過GAME 舖見到WINNING 10，半推半就之下買左。基本操作同9差唔多，但有好多細節改善。例如換人快左，唔似Winning 9 等咁耐，而且電腦換人唔會再出換人畫面，無謂浪費load 碟時間。精彩片段亦無以前要load的情況。半場同完場都有比賽紀錄，唔使㩒「試合詳細」睇。完場後出雙方比數時會寫埋幾多分鐘有邊幾個球員入波，印象中以前係無。入球後的重播畫面無變，但感覺上那個可以變換角度的重播速度比以前慢。

電腦好似勁左(5粒星)，進攻多左變化，鍾意高空thru.波，同埋我方龍門開死球時，電腦比以前進取，唔似得以前可以在後場係咁“差“。中柱同撞廣告版的聲比第9代清脆，同第8代差不多。我覺得今集最大的改變係畀得益時唔會再出個黃色ICON話你知球證畀得益，以前第9代當你知球證畀得益時你可以因應情況(例如近對方龍門，而你又係罰球專家)而放棄追波，而家唔知有無畀得益就比較公平。

現Winning 9時，開波前會有雙方球會標誌投射在草皮上，但入波後又唔會投射比數，我以為第10代會有，結果都係無，有少少失望。旁述多左條友，佢把聲唔好聽，同埋好多時講野係提醒個主要旁述員，我唔識日文，唔係好知佢講咩，但聽過佢講「到左補時階段」，之後個主要旁述又回應兩句。

P.S.機戰alpha 3打到最後一話，好辛苦，連續打左12個鐘，打到無精神，打到一半，睇黎要等黎緊的週末先有心情再戰。

Half a year

不經不覺已經半年無寫，一來自己懶，二來真係忙，平日無時間寫，放假亦無心情寫。半年過得好快，我亦買左好多新野，遲D慢慢講。承繼上一篇，講下 Wacom Graphire 3，原來我買左無耐，Wacom 就出Graphire 4 (9月13日)，唔怪得我買時咁平。睇完個規格(specifications)之後發現Graphire 4 塊版多左兩個Express key，可以執行預先設定的工作；個Mouse 扁左同埋放筆的位置唔同左，除此之外，基本上同Graphire 3一樣，技術細節完全一樣。Wacom根本上只係改變產品的改觀來吸引新的消費者，因為消費者一般都抗拒買一件已經出左3年甚至5年的產品，但會買一件5 年前的技術配以新包裝的產品...



大約兩、三個月前見到SEGA出左個PS2用的手掣，仲要係白色，當時無買同埋好快被人買左，二月再見 到時SIN送畀我。首先想講，SEGA做的PS2手掣，我第一個反應係苦笑，SEGA唔再做家用機都係因為被Sony打敗，而家出game之外仲出埋手掣 畀PS2用，正好說明「生意上無永遠的敵人」。

入左電之後，個手掣的重心有少少傾前，因為我打機習慣打平個手掣，即係Ｄ掣向天，所以用落 完全無問題，但如果係慣左打直個手掣用的話(即Ｄ掣向自己)可能會唔就手。我個HORI手掣的十字掣有少少問題，有時按「下」掣會變左「左下」，或按 「左」又係變「左下」，玩Winning時有時會出現問題，雖然唔嚴重，但都係唔方便，我試過拆開個手掣睇下會唔會係裝崁問題，但徒勞，相信係設計有問題 或我個手掣QC做得唔好。SEGA個手掣我用左個幾月都無出現問題，單係呢點已令我唔再用Hori個手掣，另外SEGA 的兩個Analogue掣同原裝PS2手掣一樣大，Hori就唔知點解特別細；SEGA手掣的振動亦比Hori好好多。外觀上，SEGA亦比Hori好， 簡潔同埋D LED燈靚D,連個發射器都靚過Hori。

我發現SEGA手掣有一個缺點，就係手掣背面的設計麻麻地，放電池個位係凸少少出 來，拿住手掣時，放在後面的手指唔係咁舒服，起碼Hori咁好。另外，SEGA手掣同原裝手掣的佈局差不多，連Screw位都一樣。有時打機肉緊D,手指 就會有個“烘“ ，因為壓左落手掣背面上方兩邊的Screw位，會有D痛。呢個問題就用原裝手掣都有，Hori在這方面好好多。但整體而言，SEGA手掣比Hori好，除 非有需要用到連射。



*原來呢篇文一直未發表，都好，反正我想補充。個手掣用左個幾月之後，我發覺佢的傳送/接收有少少問題，有時好似接收唔到指令，我明明按左掣都無反應，令 到我玩winning 時會有古怪動作出現，現機戰時，有時我只係按左一下「下」掣，但佢又以為我長按「下」。對手掣黎講，呢個問題都幾嚴重。SEGA手掣其中一個賣點係省電， 唔知係唔係為省電而減低傳送/接收的功率，另外如果唔按任何掣大約半分鐘，個手掣就自動進入sleep mode，要按一下掣先開返。