Koss portaPro

買左四個月，我終於收到隻portaPro，比我想象中細同輕好多，適合拿出街用，但佢個樣唔靚，所以我又唔想拿出街用...... :) 我在街上亦從無見過有人用portaPro (其實連其他Koss的耳筒都好少人用，連最平最多人買的the plug都少見)。我另外有一隻KCS35個"鼓"同portaPro完全一樣(我相信佢地係一樣，因為睇佢地的規格係完全相同，大少、外型都一樣，但聽 出來有少少分別)，只係戴的方式唔同。


portaPro

KCS35

耳 筒最重要係音質，呢方面我實在詞窮，唔識形容(同飲酒一樣......)，只可以大致講幾句，公 認的是低音勁，而且唔朦朧(有些耳筒聽落低音好似好"勁"，但就細節全無，完全不堪入耳)，其他中、高音的表現都相當好，是我意料之內，亦是一般US $40的耳筒應有的表現。值得一題的是，我以前用開Sony DJ-V300 (Z-300)，覺得相當唔錯，但與KCS35作A/B比較時發現koss低音較強之外，感染力亦較強，簡單講係聽KCS35舒服D。

由 於portaPro未「熟」(一般人會話未"煲"好)，所以未能聽出它的實力，與KCS35比較時發現portaPro隔音較好，聽到較少外面的雜音，而 在同一個音量下portaPro較大聲D (可能係因為隔音好所致)，但KCS35各音部都較明亮(bright)，D聲音出D (呢類形容詞只能意會......)。嗯，我可以講的只有咁多。

不過講起KCS35就有段小插曲，我當日買耳筒，原本係諗住買 Sennheiser PX100，我問老闆有無得試，佢話無，但有一隻(KCS35)有得試，而且比PX100 好，咁我咪試，一試覺得好好，但自己未試過PX100，始終有D猶豫，試左好耐，老闆加一句，話佢自己認為KCS35最好聲(佢係老闆，經驗一定多過 我)，同埋已經停產(罕有亦係吸引我的因素)，而且唔貴，平過PX100，所以我就買左。但後來發現KCS35都未完全停產，但只能在KOSS的網頁上 訂，一般零售店無得賣(包括AMAZON)，好彩隻耳筒無令我失望，但我始終好想試聽PX100。

另外，當日我見老闆檯面有隻 Westone UM2，有個客諗住買，我就問老闆拿來試聽，一試真是出乎意料的好，一般呢類塞耳的耳筒的低音好朦朧，而且過強，但呢隻UM2 聽落去同其他掩耳耳筒無分別，再加上塞耳耳筒的良好隔音，最適合拿出街用，但它的價錢同樣驚人，折左都要二千八百港幣......自問買唔起，但另一位客 人買了......。